ಬೆಳ್ತಂಗಡಿ: ಧರ್ಮಸ್ಥಳ ಶ್ರೀ ಮಂಜುನಾಥ ಸ್ವಾಮಿಯ ಐದು ದಿನಗಳ ಲಕ್ಷದೀಪೋತ್ಸವ ಬುಧವಾರ ರಾತ್ರಿ ಗೌರಿ ಮಾರುಕಟ್ಟೆ ಉತ್ಸವದ ಸಮಾರೋಪದೊಂದಿಗೆ ಭಕ್ತಿಪೂರ್ಣವಾಗಿ ಸಂಪನ್ನಗೊಂಡಿದೆ. ಕೊನೆಯ ದಿನ ಲಕ್ಷಾಂತರ ಸಂಖ್ಯೆಯ ಭಕ್ತರು ಉತ್ಸವದಲ್ಲಿ ಪಾಲ್ಗೊಂಡು ದೇವರ ದರ್ಶನ ಪಡೆದರು.
ವಂಬರ್ 15ರಂದು ಕ್ಷೇತ್ರದ ಧರ್ಮಾಧಿಕಾರಿ ಡಾ. ಡಿ. ವೀರೇಂದ್ರ ಹೆಗ್ಗಡೆ ಅವರ ಮಾರ್ಗದರ್ಶನದಲ್ಲಿ ಪ್ರಾರಂಭವಾದ ಉತ್ಸವ, ಮಂಜುನಾಥ ಸ್ವಾಮಿಗೆ ವಿಶೇಷ ಪೂಜೆ ಸಲ್ಲಿಸುವುದರಿಂದ ಅಂತ್ಯಗೊಂಡಿತು. ದೇಗುಲದ ಒಳಾಂಗಣದಲ್ಲಿ 16 ಸುತ್ತುಗಳ ಪ್ರದಕ್ಷಿಣೆ ಉತ್ಸವಬಲಿ ನಡೆದು, ಬಳಿಕ ಉತ್ಸವ ಮೂರ್ತಿಯನ್ನು ಬೆಳ್ಳಿ ರಥದಲ್ಲಿ ಹೊರಾಂಗಣಕ್ಕೆ ತರಲಾಯಿತು. ಭಕ್ತರ ಉದ್ವೇಶದ ನಡುವೆ ರಥವನ್ನು ದೇವಾಲಯದಿಂದ ಕ್ಷೇತ್ರದ ಮುಖದ್ವಾರ ಬಳಿಯ ಗೌರಿ ಮಾರುಕಟ್ಟೆಗೆ ಕೊಂಡೊಯ್ಯಲಾಯಿತು. ಅಲ್ಲಿ ಮಂಜುನಾಥ ಸ್ವಾಮಿ ಉತ್ಸವಮೂರ್ತಿಗೆ ವಿವಿಧ ಸೇವೆಗಳು ನೆರವೇರಿಸಿದ ನಂತರ, ರಥವನ್ನು ದೇಗುಲಕ್ಕೆ ಮರಳಿ ತಂದು ಒಂದು ಸುತ್ತು ಪ್ರದಕ್ಷಿಣೆ ಹಾಕಿ, ಮೂರ್ತಿಯನ್ನು ದೇಗುಲದ ಒಳಗೆ ಪ್ರವೇಶಿಸುವ ಮೂಲಕ ಲಕ್ಷದೀಪೋತ್ಸವಕ್ಕೆ ಕೊನೆ ಕುಸುಮಾರ ಬಂದಿತು.
ಉತ್ಸವದಲ್ಲಿ ಧರ್ಮಾಧಿಕಾರಿಗಳ ಕುಟುಂಬ ಸದಸ್ಯರು, ಶ್ರೀಧಾಮ ಮಾಣಿಲಾ ಶ್ರೀ ಮೋಹನ ದಾಸ ಪರಮಹಂಸ ಸ್ವಾಮೀಜಿ, ದೇಗುಳದ ತಂತ್ರಿವರ್ಗ, ಅರ್ಚಕರ ವೃಂದ ಸೇರಿದಂತೆ ಲಕ್ಷಾಂತರ ಭಕ್ತರು ಭಾಗವಹಿಸಿದರು.
ಶ್ರೀ ಚಂದ್ರನಾಥ ಸ್ವಾಮಿಗೆ ಸಮವಸರಣ ಪೂಜೆ
ಲಕ್ಷದೀಪೋತ್ಸವದ ಆರನೇ ದಿನವಾದ ಗುರುವಾರ ಸಂಜೆ, ಶ್ರೀ ಚಂದ್ರನಾಥ ಸ್ವಾಮಿಗೆ ಸಮವಸರಣ ಪೂಜೆ ಮಹೋನ್ನತ ಸಭಾಭವನದಲ್ಲಿ ನೆರವೇರಿತು. ಡಾ. ಹೆಗ್ಗಡೆ ಅವರ ಉಪಸ್ಥಿತಿಯಲ್ಲಿ ಬಾಹುಬಲಿ ಸೇವಾ ಸಮಿತಿ ಮತ್ತು ಧರ್ಮಸ್ಥಳದ ಶ್ರಾವಕ–ಶ್ರಾವಕಿಯರ ನೇತೃತ್ವದಲ್ಲಿ ವಿಧಿವಿಧಾನಗಳು ನಡೆದವು.
ಈ ಸಂದರ್ಭದಲ್ಲಿ ಮಂಗಳೂರಿನ ಸುಕುಮಾರ್ ಬಲ್ಲಾಳ ತಂಡದಿಂದ ಸಾನೂರು ಶ್ರೀಧರ ಪಾಂಡಿಯವರ ವಿರಚಿತ ‘ಯಕ್ಷಾಮೃತ–ಕನಕಜ್ವಾಲೆ’ ಯಕ್ಷಗಾನ ಪ್ರದರ್ಶನವೂ ಜರುಗಿತು. ದೇಶದ ವಿವಿಧ ಭಾಗಗಳಿಂದ ಆಗಮಿಸಿದ ಶ್ರಾವಕ–ಶ್ರಾವಕಿಯರು ಪೂಜೆಯಲ್ಲಿ ಪಾಲ್ಗೊಂಡಿದ್ದರು.